Minister Geoffrey Wever den un encuentro publico a trece dilanti su vision pa loke ta diversificacion di nos economia, hunto cu su expertonan.
Parlamentario Aquanette Gunn, di fraccion di MAS den parlamento a bisa cu nan fraccion a experiencia ta cu di parti di e ministerio Wever ta cu e ta traha pro-activo, pero no ta duna indicacion cu ta traha riba un solo liña. Esaki ta laga un sabor amargo atras.
Como representante di pueblo, e intencion ta pa por alivia y tambe duna un aporte pa locual ta trata e diversificacion di nos economia, pero den e documento cu a presenta den Parlamento por a nota cu den e mundo di creatividad no ta aparece niun caminda. Atrobe, e parti di inclusividad, te con leu a bay cu inclusividad y dicon no a percura pa incorpora e personanan aki cu lo por yuda pais Aruba pa yega na nos parti di diversifica nos economia.
Tambe Gunn a bisa cu e sector di agricultura ta haya nan confronta cu varios problema, unda cu nan no ta haya oido di parti di Gobierno. Pero den e presentacion presenta por mira cu e agriculturornan ta sigui estudionan, pa bin na remarca pa haya un prestamo. Pero na final di dia, e personanan aki ta sinta den un situacion penoso, unda cu no ta haya oido for di DIP pa e peticion di tereno cu nan a haci.
