Durante e ceremonio di graduacion na Universidad di Aruba, a combersa cu Angelique Willems, kende a logra termina su master opleiding cu exito.
Segun Angelique, e tabata dos aña duro y un caminda largo, pero el a logr’e. Su thesis a carga e topico di “Analyzing the Perceived Implementation of Sustainable Development Goals and its Influence on Brain Drain: a comparative study of the Netherlands and Aruba.”
Cu e opleiding aki, e ta sinti cu a engrandece su conocemente, awo e lo enfoca riba diferente procedura na trabou y conseha e management di su trabou. E ta gradici su gerente pa semper coopera cu su estudio.
Famia semper “push” Angelique, for di chikito semper a bisa Angelique cu bo por perde bo trabou pero nunca bo diploma. Tur cu a sosten’e, e ta yama nan un mil di danki. E combinacion di trabou y scol ta duro pero “where there’s a way there’s a way, sky is the limit”, asina Anqelique a termina bisando despues di a ricibi su diploma di master.
