Landamento Escolar ta yegando su final, unda cu awo tin e examen anual di landamento. Cas 800 mucha ta participa na e examen anual di landamento.
Andy Gomez, coordinador di Landamento Escolar, a splica cu awo nan tin e examen anual di landamento, di cual ta teni na final di aña escolar. Tin entre shete shen y ocho shen mucha cu e siman aki ta bay examen pa diploma A y B. Te ainda tur cos ta bayendo tremendo.
Tin mayor cu a presenta pa mira nan yiu haci e examen di landamento. Gomez a splica cu den e sistema aki ta hopi bon pa mira cu e mayornan a presenta pa apoya e muchanan. Aunke hopi di e mayornan ta traha, nan a haya liber pa por mira nan yiu landa. Esey ta duna e mucha apoyo.
Pa loke ta e parti di dificultad cu Landamento Escolar a topa cu ne, Gomez a indica cu hopi diabierna a cay afo. Esey a haci cu e scolnan cu ta riba diabierna a haya menos les. Tambe algun scol tin cierto cos pa haci y e dia ta cay afo p’e muchanan. E unico dificultad pa nan tabata sea un instructor a bira malo, nan falta di instructor pero e muchanan ta entusiasma ora di presenta.
Pa mas lesa TREMPAN.COM.
