“Pa medio di e comunicado aki mi kier a expresa di ta hopi sorprendi di e articulo den 24ora.com referente e investigacion yama Portulaca”, asina ex-politico Andin Bikker a duna di conoce den un comunicado di prensa cu el a emiti. Esaki relaciona cu e investigacion andando contra corupcion den DIMAS, di cual nomber di e fundacionnan politico ta casi identico.
“Mi persona nunca a yega di firma permiso pa peticion di e ley di Admision (LTU). DIMAS semper tabatin mandato pa esaki via e sistema di aplicacion automatisa SIRSA y tabata opera segun e maneho publica riba su website. Mi no sa detayes di e investigacion, en todo caso mi ta na ordo di Ministerio Publico si mester cualkier clarificacion. Mi a sacrifica pa sirbi mi pais pa medio di un trayectoria politico di mas cu 20 aña cu honor y frenta na halto”, segun Andin Bikker a enfatisa.
E parti cu ta confuso ta nomber di e fundacionnan, e compania sospecha di ta meti y e sospechosonan cu ta envolvi, cu mayoria tabata procedente di e tempo di Minister Andin Bikker.
