Awe ta un dia caminda nos ta reconoce e trabou di un maestro. Pero kiko significa ta un maestro? E rol di un maestro a cambia grandemente den e ultimo decadanan.
Ta un maestro no nifica unicamente prepara un mucha intelectualmente p’e mundo di mayan, pero tambe traha n’e formacion di e mucha, pa mayan e por ta un lider.
Un maestro ta inspira y duna amor na su alumnonan. Ta un maestro nifica proteha esnan debil den comunidad.
Ta un maestro nifica crea igualdad entre su alumnonan y wak nan triunfa e dia di mayan, pasobra esaki ta duna e maestro un sentiment como cu ta su propio yiu a logra su meta.
Ta un maestro nifica di t’e ehempel pa su alumnonan. Ta un maestronifica hopi cos cu casi no por define completamente. E trabou di un maestro no ta un trabou di 7’or di mainta pa 3’or di atardi of di 8’or di mainta pa 4’or di atardi, pero e ta un trabou unda cu oranan di anochi y weekend ainda e trabou ta sigi. Ser maestro ta mas cu un trabou, e ta un pasion, e ta e amor cu bo por tin pa traha cu mucha.
E ta e dedicacion cu ta otorga na un mucha pa cu su desaroyo. Un docente por hasi e diferencia den bida di un alumno. P’esey mes, riba dia international di maestro mi ta manda un palabra di pabien na tur mi colega maestro, pasobra nos ta esnan cu ta crea e mundo di futuro. Kere semper den bo mes y bo lo sa di logra bo metanan.
Pesey mes ta desea tur e maestronan di Aruba hopi exito den e anja escolar aki y cu na final nos tur por wak bek riba un anja exitoso. Ta spera cu nos maestronan por a disfruta di 1 siman di vakantie prome cu e drukte cuminsa bek.
#AnchelinoPor
#HuntoPaUnMihoFuturo
