Apesar di e recesion economico cual a causa cu hopi tienda den caya a cera, Amaré Shoe Lounge a habri su portanan diahuebs, 22 di october, 2020 cu un rueda di prensa. E Shoe Lounge ta habri pa publico general su siguiente dia, diabierna, 23 di october, 2020.
Amaré Shoe Lounge, lanta por medio di tres empresario femenino, Mari, Vivi y Milly lo ta celebrando nan OPENING WEEK tur atardi entre 4pm pa 7pm. Amigo y amantenan di sapato ta cordialmente invita pa un drink y pa check nan coleccion.
Nan no lo ta desapunta!
E coleccion di 100% cuero ta inclui tremendo estilonan pa tanto hende homber como hende muhe, na prijsnan atractivo. Pa motibo di COVID19, solamente un cierto cantidad limita di hende ta permiti pa drenta shop, cu tapaboca obligatorio.
Amaré Shoe Lounge ta dedica na comodidad, calidad y excelencia den diseño. Cada estilo y detaye di produccion ta un labor di amor. Amor pa sapatonan cu ta trendy, y tambe clasico na mesun momento.
Mari, Vivi, y Milly a bin hunto cu un pasion real pa moda. Mientras cu nan ta stima sapato, nan ta sinceramente tin nos planeta na pecho, bisando NO na materialnan sintetico, NO na substancianan dañino, NO na cahanan, y NO na material innecesario di desempaketa.
Na Amaré Shoe Lounge bo productonan ta wordo empaketa den un tas estilo to-go di multi uzo. Coleccion pa Hende muhe: Stilettos. single-sole pumps, ballerinas, Mary Janes, strappy flats, sling back flats, thick-soled sneakers, wedged espadrilles, platform sandals, ankle booties, block-heeled mules, kitty-heeled mules, in rainbow colors.
Coleccion pa Hende homber: Oxfords, Sneakers, Lace ups, Loafers, Derby shoes.
Pasa bishita Amaré Shoe Lounge, for di 10 di mainta pa 6’or di atardi y wak pa bo mes e surtido grandi di sapato cu nan tin, ya disponibel pa comunidad di Aruba. Nan ta situa den Oroubo Mall, Weststraat 13, Shop #106.
