Alan Howell a dispidi di su funcion como parlamentario hunto cu varios otro parlamentario, creando espacio pa e parlamentarionan nobo, gradiciendo un y tur cu a dun’e e oportunidad unico di por a representa partido POR den un organo asina prestigioso cual ta parlamento.
Fuera di esey a gradici su sostenedonan cu a kere den dje. Awo ta bin un cambio di constelacion den parlamento.
Howell a comenta di ta contento di por a asumi e responsabilidad pa casi cuater aña pa e experiencia unico aki.
E ta encurasha cualkier hoben pa drenta politica y tin e oportunidad pa representa Aruba den parlamento.
Den su trayectorio den parlamento, el a topa cu retonan bon y retonan malo.
E parti bon ta cu e ta contento di ta un di e 21 parlamentarionan cu a sa di bin cu mas hopi mocion den e ultimo añanan den parlamento, cu sosten completo di e miembronan.
Tambe ta contento di por a aproba e presupuestonan cu ta un di e partinan legislativo mas importante pa Aruba, pasobra sin placa e pais no por draai.
Fuera di e experiencianan bon, tin esunnan malo tambe. Esey ta na e momento cu el a hay’e confronta un asina yama un caso penal cu e mester a hay’e ta defende. Pero na momento cu esaki a presenta, danki na e integridad cu Howell tin, e por a prueba y demostra cu nada robes no a tuma luga.
Tambe e parti administrativo aki por a demostra tambe fraccion di POR en general, papiando pa tur e parlamentarionan cu tabata den partido POR, ningun dia por mira cu a bay sinta come den un restaurant of bay biaha cu placa di fraccion di POR. Esaki ta caminda cu toch tardi of trempan lo por demostra e parti integro con a bin ta maneha cu e placa di pueblo.
