Diferente tecnico a participa na e seminario di AirTech riba e producto nobo di NAVAC. E tecniconan a siña diferente cos durante e seminario aki, entre otro con pa haci boter di gas bashi y uzo di diferente herment di tuberia.
Francisco Caraballo, representante di NAVAC, a splica cu su compania ta encarga pa traha herment y boter di gas bashi. E seminario tabata consisti di dos parti, unda cu e prome parti tabata riba con pa haci un bashi di manera eficiente. Nan a mustra riba e diferente herment cu mester pa haci un bashi, tambe cua ta e medida y unidad cu mester pa haci e proceso di bashi. Nan a tene un demostracion cu un boter chikito cu ta casi manera esun di cinco tonelada. Hopi di e participantenan a interactua cu e representante. E di dos parti a bay riba diferente herment di tuberia cu ta yuda e tecnico di ta mas lihe.
Segun Caraballo, e pregunta mas importante cu a bin dilanti tabata riba e boter di gas bashi cu mester uza pa haci e trabou mas efectivo mirando e industria cu nan ta traha. A informa nan cu tur cos ta depende si ta traha cu e parti industrial, residencial of comercial. Esey tabata e pregunta cu mas a bin dilanti.
El a splica nan cu e parti di bashi ta haci cu e parti di micron y esey ta e manera mas precisa pa haci e procedemento. Si no haci uzo di e medida ey, e por ta asina cu e compressor of sistema na un tempo por tin problema di eficiencia. Pero esey ta algo cu no ta hopi conoci. No ta splica teoreticamente ni practica. P’esey nan a demostra e tecniconan cua ta e medida y manera corecto pa haci e trabou.
AirTech ta un compania cu semper a sa di duna nan apoyo, asina Caraballo a expresa. Como representante di e marca, nan kier a duna sosten na AirTech y tur tecnico di Aruba.
Pa mas lesa TREMPAN.COM.
