Ta for di un tempo caba tin un situacion andando caminda polis no por come mas na diferente restaurant. Ta referi aki na e bon di cuminda, pues ora traha ‘overtime’, automaticamente ta bin na remarca pa ricibi un bon di cuminda.
Ya pa algun tempo e situacion aki ta reinando, caminda, e polisnan bon arma ta drenta cierto restaurant y ta pasa berguensa. E negoshinan keto bay ta bisa e polis: “Sorry, boso no por come aki, pasobra polis ta mala paga.”
For di e polisnan a compronde cu: “Nos tin masha tempo sin por dal un galiña hasa.” Restaurantnan manera KFC, Burger King, Sultan, Niaska y Kooyman Cafe no kier mira polis mes. Ta cera porta ora mira e patruya di polis para dilanti nan negoshi.
Por lo menos algun ainda ta acepta bon for di polis. Wendy’s, Subway, Yami Yami Restaurant y KingDo so ta tuma bon for di polis. Ta spera cu pronto mando policial hunto cu nan Minister di Husticia, Rocco Tjon, atende e situacion aki. Aki ta puramente un echo di falta di bon organisacion den un departamento asina importante manera Cuerpo Policial.