Aruba Hotel & Tourism Association (AHATA) ta acumula e cifranan di ocupacion y prijs di hotel tur luna y CEO di AHATA, Tisa LaSorte, ta raporta cu e recuperacion cu hotel ta experienciando ta basa riba e prijs mas halto pa cada camber mientras cu ocupacion ainda ta menos cu na 2019.
NOVEMBER 2022:
- Ocupacion: E grado di ocupacion tabata 79%; representando un recuperacion di 94% compara cu nivel di ocupacion na 2019.
- ADR: E balor averahe di cada camber bendi tabata $281.10, cual ta 19% mas cu na 2019.
- RevPAR: E entrada averahe pa tur camber disponibel tabata $221.78, cual ta un aumento di 12% compara cu RevPAR di november 2019.
AVERAHE DI AÑA TE CU NOVEMBER:
- Ocupacion: E ocupacion averahe te cu november tabata 74%; un recuperacion di 88% compara cu 2019.
- ADR: E balor averahe di cada camber bendi tabata $298.90, cual ta 11% mas cu na 2019.
- RevPAR: E entrada averahe pa tur camber disponibel tabata $221.73, cual ta un recuperacion di 97% compara cu RevPAR averahe te cu november 2019.
PROYECCION:
Ta proyecta un recuperacion di 100% pa luna di December. Pa otro aña, 2023, e expectativa ta pa un recuperacion di 97% compara cu 2019. Pues practicamente bek na e nivel prome cu pandemia.
TIMESHARE:
Ocupacion n’e propiedadnan Timeshare tabata 87% na november .
Hotel miembro di AHATA: Amsterdam Manor Beach Resort, Barceló Aruba, Boardwalk Boutique Hotel, Brickell Bay Beach Club, Bucuti & Tara Beach Resort, Courtyard by Marriott, Divi & Tamarijn All-Inclusive, Eagle Aruba Resort, Holiday Inn Resort Aruba, Hyatt Regency Aruba, Hyatt Place Aruba Airport, Manchebo Beach Resort, Marriott Aruba & Stellaris Casino, Paradera Park, Radisson Blu Aruba, Rehoboth Peaceland Boutique Hotel, Renaissance Wind Creek Aruba Resort, The Ritz-Carlton Aruba, RIU Palace Aruba, RIU Palace Antillas y Talk of the Town Hotel.
Timeshare miembro di AHATA: Divi Aruba Phoenix, Divi Dutch Village, Divi Village Golf, La Cabana, Marriott Ocean Club, Marriott Surf Club, The Mill Resort.
Vacation rental miembro di AHATA: Aramis Real Estate, Aruba’s Life Vacation Residences, Aruba Happy Rentals, Casiola Aruba, Cobalt Blue Fusion (Blue, Azure), Ford Property Management, Turibana Plaza, Santa Lucia Landhuis.
