Princess Juliana International Airport na Sint Maarten a cera riba diabierna for di 9’or di anochi te cu diadomingo 9’or di mainta debi na e condicionnan severo anticipa pa loke ta yegada di horcan Tammy.
Despues di evaluacion y dependiendo resultado lo informa riba ki dia y orario lo habri bek.
Biaheronan a keda avisa pa tuma contacto cu nan aerolinea pa updates riba nan buelo.
WinAir tambe a publica un aviso di biahe lagando sa cu tur operacion for di diasabra 21 di October 2023 a keda cancela debi na yegada di horcan Tammy. E seguridad di empleadonan y clientenan ta keda top prioridad. Debi na e potencial di condicionnan severo e oficinanan tambe lo ta cera awe. No lo por tuma contacto via email of telefon te proximo aviso.
NHC (National Hurricane Center) a avisa cu condicionnan di horcan y tormenta tropical ta spera den porcion rond area di Leeward y panort di islanan Windward te cu diadomingo.
E avion a keda re-aloca na un otro area mas sigur y safe den e region.
