Na e sitio di atraccion nobo Boca Mahos, no esun anterior, tambe por mira efecto di horcan Beryl. E turistanan ta yega eynan pero no por disfruta di e sitio debi na e mal tempo.
E area ta conoci di ta un poco bruto, pero loke por mira awe ta basta mas bruto cu normal. Olanan grandi ta kibra den e barancanan y por mira e lama ta basta halto.
Aunke cu ta na costa nort di e isla, ta normal cu e turistanan por disfruta di e Cave Pool, banda di Bushiribana, pa cual hopi a yega pero no a baha bay abou, debi cu no tin mucho conocemento di e area.
Ta haci un apelacion na tur hende pa tene cuenta cu e lama extra bruto pasobra den pasado tabatin caso di hende sinta of para na baranca a wordo ranca door di forsa di e ola grandi y bruto.
