Diabierna den careda di 7or a manda unidadnan di Polis pura den direccion di Sero Pita na un adres.
Eynan tin un dama herida despues cu un homber a saca machete y agredie. Ademas a tira acido riba dje. Unidadnan di Polis cu a yega a haya e dama Shudeska Bito cu ta un adicto conoci den e area.
Un homber den un Tercel berde ta esun cu a agredie cu machete y tambe a tira acido riba dje. Polis a tuma datos. A cuminsa manda informacion pa busca e homber adicto den e Tercel.
E ta biba den e area di Santa Cruz. No a topa cune mesora riba caminda durante patruya. Tin atencion si pa e caso. Na prome instante a pidi ambulance pa Shudeska pero despues no tabata interesa mas pa yudansa medico.
