Diasabra anochi polis a ricibi informacion di un adicto ambulante canando rond cu un cuchiu ta menasa hende den area di Misa di Playa. Mesora a cuminsa un buskeda. A duna discripcion di un hende homber color scur cu un sac’i plastic riba su cabes. Berdad, na inicio di Dominicanessestraat cu Caya Ernesto Petronia, polis a topa cu un conoci di nan.
A mand’e suela mesora y rista pa wak si ta topa cu e supuesto arma. Durante e ristamento, polis a topa un cuchiu basta grandi scond’i band’i su parti intimo. A confisca e arma y a papia duro cu e adicto.
E tabata crea un peliger mirando cu tin mayor ta frecuenta cu nan yiunan den e area menciona, caminda tin varios restaurant.
