Algun habitante di De La Sallestraat a mira un homber sospechoso riba caya cerca di nan cas. Mesora a avisa polis. Polis a topa cu ne tambe. A bay atende cu e homber. A resulta cu ta e conoci di polis fam D. Polis no a detene. Ora a papia cu ne banda di e pomp di gasolin den Sero Blanco, el a bisa polis cu e ta bayendo pa drumi den mondi eybanda. E tabata tin suerte pasobra e momento ey ya caba a detene dos otro persona riba caya. Polis sa cu si detene e persona aki e lo no tin placa toch pa paga e multa. Esey tabata su suerte. E si a scapa su detencion durante TdQ. E persona a sigui cana y perde den e mondi unda e lo pasa su marduga drumi te ora TdQ pasa diadomingo marduga.
