Diabierna den oranan di atardi, ex-Warda di polis na Playa tabata victima di ladronicia.
Tabata den careda di 5:20 pm, ora cu adictonan ambulante a drenta den ex-Warda di Polis na Oranjestad, pa horta koper. N’e sitio, polisnan a detene dos adicto ambulante cu a drenta den e edificio.
E edificio mes, unda cu Warda di Polis di Oranjestad tabata situa, ta den mal estado y ta birando un peliger p’e area.
Un edificio cu ta habri, al estilo “free for all” y e autoridadnan concerni mester cuminsa busca un solucion di e cantidad di adictonan ambulante cu ta circula den centro di Oranjestad.
