A mobilisa polis cu pura pa asina atende cu un accidente basta fuerte riba caminda di Sero Blanco pa Dakota, den e birada na Rooi Manonchi. A bin topa cu dos vehiculo cu hopi daño material y hende herida.
Esaki a tuma luga den careda di 2:00 pm entre un Nissan March y un Nissan Cube cu a bay dal frontal den otro. Polis a cera caminda mesora pa asina evita mas accidente cu por pasa como cu ta net den un birada.
A pidi presencia di ambulance na sitio pa bin atende cu ambos victima cu a resulta herida. Afortunadamente no tabata di gravedad.
