Diasabra anochi alrededor 10:00 pm a sosode un accidente rib’e camind’i Mahuma. Ta net dilanti Hua Feng Minimarket. Aki ta caminda un pickup marca Nissan numera A-20159 pa un motibo of otro a dal den un otro Nissan. E otro auto ta marca Nissan modelo Tiida estilo RHD numera A-44488.
E chauffeur di e Tiida ta un polis di funcion, el a resulta levemente herida. Su coleganan a presenta na sitio pa atende cu e accidente y ambulance a brind’e atencion medico na sitio. Daño material tabata basta na ambos vehiculo. Specialista di trafico a presenta un rato despues pa documenta e accidente aki.
