Den e prome oranan di diasabra marduga, a tuma luga un accidente basta fuerte riba brug Freddis Refunjol na Pos Chikito. Pa mas of menos 1:00 am, un motociclista a perde control di su brommer marca Suzuki, numera MFA-1163 y a sufri un caida cu a causa herida di consideracion.
Inmediatamente ambulance a responde rapidamente p’asina atende cu e herido. Despues di prome auxilio, a hiba e herido rapidamente pa hospital pa ricibi tratamento specialisa.
Ainda no a revela e detayenan exacto riba e circunstancianan cu a hiba e motociclista pa perde control di su vehiculo, pero ta spera cu e investigacionnan lo trece claridad riba e accidente aki.
