Un otro tema cu ta bin dilanti cada biaha den IPKO ta e problematica di Geschillenregeling, sin cu nunca por a yega na un solucion.
Riba e punto aki, parlamentario di AVP, mr. dr. Rycond Santos do Nascimento, a bisa cu e delegacionnan di Parlamento di Caribe e biaha aki a pick-up e lucha aki na un manera hopi strategico e biaha aki. A bay wak kico ta e esencia di e conflicto y rond di esey a bin cu e concepto cu a presenta. Es decir no por move mucho mas, di un banda pa otro.
Mas aleu, Santos do Nascimento a bisa cu si ta bay amplia e ambito di e Geschillenregeling, e ora Hulanda mes ta bayendo di acuerdo cu esey, cual ta haci e reunion cu Hulanda hopi mas fructifero, nan tambe ta dialoga y duna nan opinion, sin cu e ta un cuestion asina politisa manera cu a wak den e ultimo añanan. Despues di e reunion, el a combersa cu varios miembro di e diferente delegacionnan di e islanan, pa papia con nan por yuda e islanan den e cuestion aki. Por wak cu toch tin un acercamento, cu no ta nifica cu ta riba e mesun liña, pero si cu a tuma e pasonan hopi decisivo.
