Den luna di juli a tuma luga un evento internacional di cabay na Cali, Colombia. Aruba a bay cu un delegacion di bintidos atleta cu a haci bon papel. A bin bek Aruba cu medaya di oro, brons y plata. Organisacion di Caballista Aruba (OCA) ta sumamente contento cu e prestacion di atletanan aki. E evento a conta cu participacion di nuebe pais. E ta un campeonato mundial cu ta tuma luga cada dos aña.
Un evento internacional asina ta conta cu un total di mas o menos 280 pa 300 atleta. Aruba tabata bon prepara pa e evento aki. E delegacion tabata consisti tambe di un ‘head’ coach cu a percura pa e parti di training y logistica pa e biahe aki.
OCA pronto lo organisa su evento mas grandi di aña cual ta e Interpaso, cu lo tuma na fin di september proximo. E evento aki lo conta cu participacion tambe di nos pais ruman, Corsou. Ainda Aruba no ta bin na remarca pa ta anfitrion di un evento internacional asina mirando cu nos no tin e facilidad adecua cu ta cuadra cu e normanan internacional.
E proximo evento internacional lo tuma luga na Puerto Rico, cual di awo caba lo cuminsa cu e preparacionnan necesario.
