Polis a logra detene adicto ambulante cu a horta den Sandra’s Garden durante oranan di TDQ diadomingo anochi.
Patruyanan a presenta na Sandra’s Garden situa riba Linear park den careda di 12.30AM, cu porcierto ta despues di orario di TDQ, pa alarma cu a activa den e establecimento. Por a compronde cu un ladron a drenta y bay cu diferente producto for di e luga.
A cuminsa un buskeda den cercania y a bin topa cu e adicto ambulante na altura di Barefoot Restaurant cu ta situa algun meter di distancia parti patras, cerca di e beach di Surfside.
Un rato despues e propietario di e establecimento a presenta na sitio pa asina nan informe di kico tur a tuma luga. Claramente desapunta mirando cu esaki no ta prome biaha. Tambe el a splica cu ta trata di e mes un ambulante cu ta comete e acto aki na su luga.
E propietario tambe a comenta cu e sistema di alarma, na momento di activa, ta manda imagen alinstante den su celular cu ta duna un bon bista di kico ta tumando luga den su negoshi y tambe ken lo a drenta. Despues di haci un inventario chikito, a constata cu e ambulante a logra di bay cu unicamente dies boter di cerbes pero asina mes ta causa un disgusto y preocupacion cerca e propietarionan cu no por ta trankil cu tipo di crimennan asina aki riba su luga.
A duna tur datos na polis
