Diahuebs merdia, Colegio EPI Unit Economia a anuncia su graduadonan pa loke ta aña escolar 2023-2024. Juffrouw Sealene Navas, docente na Colegio EPI Unidad di Economia a cuminsa na bisa cu nan tabatin un aña bastante pisa tra’i lomba. Pero si sumamente contento cu e resultado logra, cu ta di 77% di graduado. Nan ta hopi contento di e logro, a pesar di tur e obstaculonan.
Unidad di Economia ta consisti di diferente afdeling cu ta Financiele Administratie, cu ta haya hopi mas vak di Economia, tambe Toeristische Administratie, mas dirigi riba e mundo financiero den e sector turistico.
Despues di caba EPI, esunnan cu a caba Financiele Administratie, por bay Universidad di Aruba, den e Facultad Financiero, nan por sigui IPA pero tambe nan por subi e mercado laboral di biaha. Sinembargo, tambe nan por sigui nan estudio superior na Hulanda.
Tabata un aña di hopi struggle, di hopi palabra di motivacion pa cu e studiantenan. Y como docente, nan ta hopi satisfecho.
Pa termina un estudio, cu tur e obstaculonan, como EPI pa e docentenan, tabata “a journey”, di cual nan ta hopi contento cu e “final destination” di 77% di graduado. Esaki tabata e resultado final, tur herexamen ta tra’i lomba.
