Den cuadro di e reformanan cu mester a tuma luga pa por yega na cumpli cu e instruccion di Hulanda di 60 miyon, gobierno a voer af un lista di remedi, esta remedi riba positieve lijst. A pesar cu a stop e recorte di 5.5%, pueblo tin di sigui paga pa remedi cu AZV no ta cubri.
Dangui Oduber, Minister di Salud Publico, a splica e manera cu e ta interpreta ta como si fuera AZV no ta cubri ningun remedi mas. E mandatario a enfatisa cu esey no ta e caso. Pero, 95% di e remedinan suministra ainda ta cubri pa AZV. Loke AZV no ta cubri mas ta e over the counter, esta e remedinan cu ta accesibel over the counter y bo no mester bay un boticario di un botica.
Por haya e remedi cumpra, e mandatario a indica cu na Merca of cualkier pais na mundo ta haya nan.
Ta haya e remedinan aki den un supermercado of cualkier tienda di cual bo no mester bay un botica. Ningun caminda di mundo mas e tipo di remedinan ta cubri, esta over the counter. Segun Oduber, esey ta e remedinan cu no ta cubri mas. Mayoria remedi ta cubri cu excepcion tur esunnan cu ta over the counter. El a sigui splica cu tur pashent cu malesa cronico ta keda cu e acceso na nan remedi.
Tur pashent cu tin necesidad di e remedinan sea nan ta over the counter of no, nan ta mantene e acceso. Gobierno kier mantene na tur momento e cuido disponibel na e pashent cu realmente tin mester di e remedinan, cual ta e pashentnan cronico.
