Diasabra anochi un patruya di polis a baha pa controla American Bar na San Nicolas. Parce cu e bar no ta cumpli cu reglanan di salud publico relaciona cu Covid-19. A manda pidi pa Task Force por pasa bishita nan pa atende cu nan riba falta di cumplimento.
Pero, ora cu e polis a bay check e cushina di American Bar, a constata cu e ta sushi y vies. E polis a opta pa no warda mas riba Task Force di Crisis Team, sino a dicidi pa su mes cera e establecimento te proximo aviso.
A duna e doño di bar un multa pa no ta tene e cushina limpi ni pa cumpli cu reglanan di DVG.
