Awendia no ta respeta ni señora di edad mas. Awe nochi net prome cu 9:00pm, a spacha dos unidad di Polis pa un cas situa na Sabana Basora.
Ey a topa cu un señora di 81 aña di edad, cu un rato prome a bira victima di agresion. Parce cu un grupo consistiendo di un señora cu tres mucha a presenta na su cas y a dal’e.
Polis a saca afo cu lo ta trata aki di un problema bieu, di cual e grupo a dicidi di tuma ley den nan mesun man. A bay na e adres pa busca 1 persona y den e proceso un di e 4 personanan a dal e señora di edad.
Polis a tuma tur dato y despues a bay pa e adres di e sospechosonan. Aki Polis a bin haya sa cu ta un problema bieu y a scual e hendenan na e cas, mustrando nan riba e hecho cu nan no por tuma ley den nan mesun man.
![](https://24ora.com/wp-content/uploads/2020/05/IMG_1455-1920x1280.jpg)
Mirando e seriedad di e caso a detene 1 persona di e cas y a bay en buskeda di un otro sospechoso pa e tambe duna cuenta riba su acto.