ActionCOACH Business Coaching y Press Play Digital conhuntamente cu Directie Economische Zaken ta lansa e campaña “We’re Open For Business” Campaign.
E meta primordial di e business community campaign “We’re Open For Business” ta pa yuda stimula e economia cu enfoce riba e companianan chikito y mediano local.
“Manera ta conoci Covid-19 a impacta nos business community drasticamente durante e ultimo lunanan y te ainda ta afectando Aruba. Gran parti di e impacto pa e companianan aki ta perdida di clientenan cu ta paga, menos cashflow y cambio den e focus di e clientenan.
Tur comerciante ta ansiosamente wardando riba e recuperacion di economia cu tin su desafionan cune. Ta pa e motibo aki ActionCOACH Business Coaching y Press Play Digital a uni forsa cu support di Directie EconomischeZaken pa asina stimula e negicionan chikito y mediano cu pa nos tur sali for di situacion aki nos tin cu tuma accion y laga pueblo sa cu nos tey pa hunto nos combati e pandemia aki y sali gana. Tin un proverbio africano cu ta bisa: Si bo kier bay liher bay bo so, Si bo kier yega leu bay hunto”, tabata palabra nan di Dave Martinus, Business Coach di ActionCOACH Aruba.
“E idea di e campana ta cu nos lo haci entrevista cu diferente doñonan di compania pa asina nan por presenta nan servicio y con nan a adapta durante e pandemia pa sigi sirbi e comunidad. Asina tambe por conoce e storianan y experiencianan di e diferente companianan y yuda otro compianan cu ta pasando den e mesun situacion tambe logra tin exito. Esakinan lo wordo publica riba social media y durante noticia na Tele Aruba”, Vanessa Hollander di Press Play a elabora.
E team di “We’re Open For Business” lo start cu 100 compania den e diferente barionan di Aruba y ta spera cu sigun e campaña ta desaroya su mes por aserca hopi mas compania.
Bo tambe kier forma parti di e campana aki y aport na bo mesun crecemento y di otro compañianan? Pa aplica na e campana aki ta fasil djis manda un mail na [email protected] of [email protected]. Por yama tambe 7306005 of 5935246 y bo lo wordo contacta pa un cita. Of bishita e facebook page di ActionCOACH Aruba of Press Play Aruba pa registra via e link.
ActionCOACH Aruba ta forma parti di e ActionCOACH franchise internacional cu ta den 88 pais mundialmente cu su meta principal ta pa tin un coach den cada comunidad y parti abundancia via business re-education mundialmente y na Aruba. E simpel y poderoso metanan aki ta forma parti di e vision y mission cu ta inspira nos comunidad di lidernan di negoshi pa yuda comparti rikesa tur caminda nan bay.
Nos ta cambia bidanan pa ta mas miho. Nos ta yuda companianan ta exitoso pero mas importante ta cu nos ta yuda tur hende yega nan potencial y logra nan soño. ActionCOACH ta situa tambe riba e islanan di Curacao, y pronto lo habri tambe un filial na St. Maarten.Press Play Digital ta un compania cu ta yuda support y promove companianan y individualnan den e area di mercadeo y branding na Aruba y den Caribe.
