Diabierna a Romar Trading a introduci Amstel Ultra, cual ta e cerbes nobo riba mercado. Amstel Ultra ta e cerbes ideal pa esunnan cu ta desea di tene un bida saludabel y balansa, manteniendo e mesun sabor y calidad cu Amstel ta conoci p’e, segun brand manager Brian Maduro.
Amstel Ultra ta bin den un boter di 20.7 cl, cu ta consisti di 50 caloria, 1.4% di carbohidrato y 4% di alcohol. E cerbes refrescante aki a destaca desde su lansamento na 2018 na Mexico y e aña aki tin planea pa ta lansa den mas di 10 pais rond mundo, incluyendo Aruba cual un di e promenan den Caribe pa lansa.
A cuminsa cu distribucion dos siman pasa. Ta practicamente den casi tur supermercado, bar y restaurant. Ki ora cu ta desea pa dal un Amstel Ultra, por bay na un di e establecimentonan aki y haya esaki.
Pa loke ta e acogida, den e dos simannan aki, a mustra hopi bon pa loke ta distribucion, segun Maduro. E ta pensa cu e lo ta un exito, no solamente door cu e tin menos caloria, pero e moderacion.
Jessie de Vries, Brand Marketing Executive pa Heineken, Amstel y Amstel Ultra, a comenta cu Amstel Ultra ta un bon choice, pa esun cu kier hiba un bida mas balansa. E ta fit net bon pasobra e ta abao den carbs y caloria.
Tambe e ta un cerbes economico. Pa esun cu ta traha duro y cu ta gusta cerbes, e ta un bon fit, segun de Vries. E mes tabata bebe den e ultimo simannan y e ta sinti su mes hopi bon.
Basicamente bo por bay train den gym y bo por dal bo cerbes sin preocupa cu e calorianan. Compara cu e otro marcanan, esaki tin hopi menos caloria. E ta e miho escogencia.
Por cumpra Amstel Ultra na cualkier di e supermercado, bar of restaurant preferi y na un bon prijs.
