Siman pasa autoridad a detene ex-director suplente di Arubahuis Glenn Ling. E ta sospechoso den caso di Tulipan, cu ta dirigi riba e iregularidadnan cu a tuma luga na Arubahuis den e periodo di 2018 te 2021.
Diamars Ling tabata na Landsrecherche pa asina e declara riba e caso di Arubahuis.
Na su salida di Landsrecherche e no a bisa nada di loke nan a interog’e. Pero, su abogado mr. Demis Illes a indica cu un biaha mas a pasa henter un dia di interogacion. Tur probabilidad ta cu diaranson ta e ultimo y despues e lo por bay cas.
mr. Illes a indica cu Ling ta cooperando completo riba loke tabata su rol y e acusacion. Inicialmente ta pensa cu e tin participacion den loke tur a tuma luga na Arubahuis. Glenn Ling ta distancia su mes completamente di tur acusacion.
Ling a indica cu tin cos no a bay bon, pero tin un otro persona cu ta responsabel den e caso aki.
Pa mas lesa TREMPAN.COM.
