Dialuna a tuma luga inauguracion oficial di YNZ Montessori High School, den presencia di minister di enseñansa, Rudy Lampe.
A cuminsa caba cu e trayecto di acreditacion, cu American Montessori Association. Siguientemente a sigui cu e acreditacion cu Cognia, cual ta e organisacion di acreditacion mundialmente reconoci, unda asina tambe e studiantenan por scoge of tin e oportunidad pa sigui studia den e pais cu nan ta desea.
Maske cu ta sumamente contento cu e edificio actual na Dakota, den un futuro hopi cercano tin cu prepara pa por bay un edificio mas grandi, mirando tambe e peticion pa por drenta e scol.
E parti mas principal ta, segun Irayka Yanez, directora YNZ Montessori, ta por encurasha mas persona pa bira docente den e educacion Montessori secundario. Mas grandi e scol bira mas maestro lo bay tin mester.
Montessori School ta para pa diferenciacion, ta para pa talento di cada mucha cu mester ta stimula. Segun minister di enseñansa, Rudy Lampe, durante e inauguracion di e scol na Dakota, e educacion personalisa, por bisa cu Montessori School tabata un precursor di loke awor aki ta bira e futuro. Si por haci distincion entre scol tradicional y educacion personalisa, e innovacion ta na e banda di educacion personalisa cu ta keda awor aki expresa, un di e miho formanan ta den Scol Montessori.
Den cierto sentido Montessori tabata shen aña delanta di su tempo. P’esey a cuminsa duna cierto apoyo. Ainda e no ta suficiente pa e scolnan aki por florece na Aruba. Ta kere cu nan ta bay yuda nos muchanan enormemente den nan desaroyo.
Segun e mandatario, e studiantenan lo bin na e scol awo ubica na Dakota. Lo bay cuminsa uno na San Nicolas, un Montessori Public School.
Awor aki e mucha y hobennan tin e doorlopende lijn. Nan por sigui continua cu un scol secundario tambe di Montessori.
