Dialuna anochi polis a presenta den bicindario di Brazil pa un pelea entre dos persona. Na yegada a topa un homber cu cuchiu den man, mientras cu e otro ta grita cu esun a hinc’e cu e arma blanco ey.
Segun informacion recauda pa nos reportero na e sitio, e confrontacion entre ambos individuo a cuminsa pa motibo cu e agresor debe e victima nobenticinco florin y den cobramento di e placa bek, cos a bay f’e man.
Autoridad a pidi asistencia di ambulance cu un unidad a presenta na e sitio pa brinda prome ayudo na e herido, mientras cu vehiculo di transporte a bay cu e detenido pa warda di polis.
