Den oranan di awe mainta, parlamentario y lider politico di Trabou pa Kòrsou (TPK) Rennox Calmes a presenta dilanti hues comisario relaciona cu su detencion di diaranson ultimo.
Hues Comisario despues di evaluacion a duna libertad condicional na Rennox Calmes hunto cu e 2 otro persona(nan) cu a keda detene pendiente mas investigacion den e caso di falsificacion di documento. Vocero di Ministerio Publico Roderick Gouverneur ta confirma esaki.
Diaranson mainta a detene Parlamentario Calmes. Tambe a tene entrada hudicial den oficina di Calmes na Parlamento. Aki a confisca articulo relevante p’e investigacion. Ministerio Publico no a descarta si ta bay tin mas detencion den e caso aki.
