Awe ACCIONA Energia a anuncia cu nan a firma un MoU cu e companianan di energia cu ta pertenece na Gobierno di Aruba, pa traha hunto riba desaroyo di un Green Valley pa Aruba. ACCIONA Energía lo traha hunto pa desaroya, construi y opera e planta di green hydrogen pa un proyecto self-consumption di energia renoba.
Lo uza e electricidad genera pa produci green hydrogen y ademas lo uza e exceso internamente na Aruba pa reduci e uzo di fossil fuel importa. Pa e proyecto lo haci uzo di tereno propiedad di Refineria di Aruba N.V., mientras cu W.E.B. lo suminstra awa y Elmar lo ta encarga cu e distribucion y tranmision di coriente a atraves di su red.
ACCIONA Energía lo sostene e entidadnan di energia cu ta propiedad estatal di Aruba cu e comienso di e infrastructura necesario pa construi un ecosistema di hydrogen renoba na Aruba y explora e uzo suplementario di green hydrogen, incluyendo e oportunidad di exportacion.
A traves di e proyecto transformado aki, Gobierno di Aruba y su entidadnan ta cla pa fortalece nan compromiso pa independencia energetico. Meta di nos pais ta pa distancia nos mes di e fuentenan di energia tradicional y a fiha como meta ambisioso di establece energia renoba como fuente principal pa aña 2050.
ACCIONA Energía ta bon para pa asocia su mes cu Gobierno di Aruba y su entidadnan di energia den e proyecto di innovacion aki y ta cla pa contribui na e plan di decarbonisacion cu e vision di un futuro cu energia renoba pa Aruba.
Na maart 2022, ACCIONA Energía a inaugura su proyecto “Power to Green Hydrogen Mallorca”, cu a conta cu e construccion di un planta di electrolysis, desaroyo di dos planta photovoltaic cu ta alimenta nan, tambe un stacion di suministro di green hydrogen na e isla. Ademas, e compania actualmente ta avansando den e desaroyo di un planta di produccion di green hydrogen, den un escala industrial, na Navarra, Spaña, cu lo cuminsa genera green hydrogen na aña 2025.
Cu e MoU aki, ACCIONA Energía y Gobierno di Aruba ta inicia cu un colaboracion pa establece un ecosistema di renewable hydrogen pa Aruba cu tin como meta, no unicamente pa transforma e industrianan local, sino tambe pa extende den Caribe y mas.
Tocante ACCIONA Energía
ACCIONA Energía ta e empresa mas grandi di energia 100% renoba sin fossil legacy na mundo. E tin 12,27 GW di energia renoba y tin operacion comercial na mas cu 20 pais. Cu 30 aña di experiencia, ACCIONA Energía ta ofrece solucion energetico na midi pa su clientenan corporativo y institucional por cumpli cu nan meta di decarbonisacion. ACCIONA Energía ta comprometi cu e standardnan di mas halto di medio ambiente, social y di corporate governance (ESG). ACCIONA S.A., ta un empresa lider mundial den suministro di solucion regenerativo pa un economia decarbonisa, e ta accionista di referencia di ACCIONA Energía. www.acciona-energia.com
