Ni dia di San Valentino a habri drechi, pa mas of menos 12:15 am, cu polis mester a bay na un adres na Macuarima pa un situacion basta serio di menasa cu morto.
Ta trata aki di un caso, caminda cu un homber, kende aparentemente tabata bao influencia di alcohol, ya fo’i Wendy’s Santa Cruz tabata pone su casa bao presion.
Pero afortunadamente p’e casa, el a sa di tuma contacto di polis y a conta nan kico tabata pasando.
Na momento cu e homber a yega cas, e situacion a bira mas serio, ora cu e homber a cuminsa menasa e casa cu e lo mat’e.
Polis a yega rapidamente n’e adres y eynan mes a detene e homber, pa despues hib’e ward’i Santa Cruz, caminda cu a presenta dilanti fiscal auxiliar, p’e duna cuenta di su actonan.
