Diahuebs anochi, pa mas of menos 9:10, habitante di Savaneta a bati alarma na momento cu el a mira varios persona hortando den un cas.
Mesora polis a bay den direccion di e cas pero ora cu nan a yega e sospechosonan a bay for di e cas. A cuminsa cu un buskeda den e area, mirando cu nan tabatin descripcion di e auto. E tabata un pickup dobel cabina berde marca Mitsubishi, den dje tabatin dos hende homber.
A logra localisa e auto den e bario di Sero Alejandro, aki ta caminda a detene ambos persona y hiba nan pa ward’i polis. A confisca e pickup, mientrastanto polis lo sigui investiga e caso aki.