Diasabra den kibra di marduga, pa mas of menos 12:00 am, polis a bay den Hendrikstraat, pa un caso di maltrato. T’asina cu un chauffeur coriendo den Emanstraat, na momento cu el a lora bay den Hendrikstraat, a dal na acera y a haya un flat tire.
Durante wardamento pa ayudo, a start discusion entre e chauffeur y un otro persona, cu na final a resulta den un maltrato, unda nan a baha fo’i auto, maltrata e chauffeur y despues bandona e sitio.
Eynan polis a bin topa cu e homber maltrata. A atende cu ne, pa despues bandona e sitio.
Despues di un rato polis mester a bolbe presenta, debi cu e chauffeur no kier a coopera cu Forensys, cu tambe a bin n’e sitio pa por a atende cu e flat.
Ora cu polis a yega, e homber a lanta cu polis tambe. Esey tabata suficiente motibo pa por a detene y bay cu ne warda, pa asina e por bin bij den cel.
