Diabierna anochi tabata e final di Miss Aruba Online 2021 caminda cu a corona Eunice Albertsz como e ganadora absoluto. A pesar cu tabata un proceso basta duro, pero ta uno caminda cu ta reconoce como hende.
Eunice ta conta cu el a pasa den dies diferente reto. Loke el a gusta masha hopi di nan ta su causa, beachwear, Eunice como prome minister y tambe e reto di talento. Ta topnan cu el a gusta masha.
Awor aki tur cos a bay Online. Eunice a conta cu el a siña cu tin cu acepta bo mes manera cu bo ta. Tambe compara cu otro certamen, Miss Aruba Online ta uno diferente. Mester ta mentalmente bon prepara y tin cu duna di bo banda.
Siman pasa tabatin Miss Universo y Eunice a mira esaki. E ta pensa cu aworaki locual cu e ta sinti di Miss Universe cu e ta haya cu nan ta canando riba bon caminda pasobra ta bezig ta cambiando e standardnan di beyesa. E ta contento di mira esaki y tambe por mira claramente cu tin union entre e candidatanan, cual e ta hopi namora di esey.
Den e certamen di Miss Aruba Online 2021, tambe el a experencia esaki.
Su siguiente paso ta sigui papia y trece conscientisacion riba salud mental. Eunice Albertsz ta gradici Endy pa organisa e certamen aki cual ta uno diferente. Ta pone e candidata reconoce su mes como persona. Tambe e ta gradici su team y tambe na su famia pa e sosten. Alabes e ta gradici e demas candidatanan pa pusha otro ora cu nan ta sinti cu nan no tabata por mas, cual Eunice ta gradici masha hopi mes.
Endy Croes, e motor tras di e certamen ta conta cu e aña aki a bay tremendamente bon. Tabatin 12 candidata cu fo’i maart te cu april a competi den 10 challenge, unda cu e hurado a duna puntuacion.
Diabierna anochi e evento cu mester a tuma luga den april, a hal’e un luna dilanti pa motibo di e pandemia, cu no por a tene eventonan asina. Pero asina mes a brinda e candidatanan un anochi cu nan por a disfruta y interactua cu publico. Un evento cu tabata totalmente online, toch ta keda cu e barera ey. Pero por a mira unda e plataforma aki a duna e oportunidad na e damanan cu of sin yiu, soltera of casa, no tin estereotipo di figura ni estatura, tur a ricibi e mesun plataforma y e mesun oportunidad pa demostra nan talento y demostra nan beyesa.
Di e manera aki na Patio 15, a haci entregamento di premio. A entrega 23 premio en total, di cual e ganado absoluto a keda den nomber di Eunice Albertsz.
