Abuso di mucha riba su mes caba ta algo hororoso y castigabel pa leu. Pero incest riba dje,
ta algo mas teribel ainda, pasobra e persona cu mas bo tin confiansa den dje, bo progenitor,
ta esun cu mas a lagabo cay y na un manera asina cruel.
Varios medio di comunicacion di Latino America a publica un caso cu a tuma luga na Costa
Rica, caminda cu un homber, Rafael Ommier Taylor, a ricibi condena di 111 aña di prizon,
door di a viola su propio yiu, menor di edad pa mas di un decada, entre 2004 y 2017,
Ministerio Publico local a informa.
E ta autor di mas di shete delito di violacion cualifica y uno di abuso sexual, cu a sosode riba
e añanan ya menciona, cu su yiu muhe, menor di edad, pa cual a condene e cantidad halto
di aña, na cual a rebahe pa 50 aña, cu ta e pena maximo cu ta aplica den e pais.
"E investigacion dirigi pa Ministerio Publico a revela cu Ommier a comete e prome delito
tempo cu su yiu muhe tabata tin 4ña di edad y e ultimo tempo e tabata tin 16. E acusado
tabata probecha momentonan cu e tabata su so cu e victima pa viole y abusa di dje
sexualmente e entidad a indica den un comunicado.
Na September di 2017, e ruman homber di e menor a avisa e mama di e violacionnan, cu a
haci cu e famia a intermedia y a entrega keho.
