Un rato pasa alrededor di 6:00 pm a sosode un accidente entre dos ATV rib’e camind’i Jaburibari. Ta un grupo di turista cu a caba di off road y tabata rumbo pa entrega e ATV bek. Por lo menos un biaha durante e ruta, e tour operator a hala e grupo di turista nan atencion p’e forma con nan ta stuur riba caminda publico.
No a tende y sigui core iresponsabel. Un poco mas paseit di Tesco Supermarket na Jaburibari, un di e ATVnan a claba tras di otro. Consecuentemente, dos turista a cay for di e ATV y resulta herida. Polis a presenta pa atende cu e accidente mientras ambulance a brinda atencion medico n’e dos turistanan, na sitio.
