Diadomingo anochi alrededor di 8:40 pm e team di task force a presenta na Gleny’s Corner pa controla si tur cos ta na ordo. Durante control a constata varios hende riba otro, sin tapa boca y no ta cumpli cu regla. Gleny’s Corner ta keda den Emmastraat, conecta cu Avenida Alo Tromp den Playa.
Ora cu a duna e propietario ordo pa cer’e luga, nan a lanta cu nan y polis a bin duna nan refuerso. E personal di task force compaña pa polis a logra core cu tur hende for di e bar y djey duna e doño un multa tambe. Locual tabata mas remarcabel, ta cu, tabatin varios hende riba otro den un espacio masha limita.
