Diaranson atardi pa mas of menos 6:00 pm, a sosode un accidente riba e caminda di Fort Heuvelstraat na San Nicolas. Aki ta caminda cu un auto marca Nissan color blanco tabata direccion pariba, e chauffeur a bira malo tras di stuur, ranca un palo di luz y bay dal contra di un cura di cas.
Ambulance a presenta p’asina atende cu e chauffeur herida. Na final a transport’e pa hospital p’e ricibi atencion medico. Daño material tabata basta, polis di trafico a presenta p’asina documenta e accidente aki.
