Polis den un buskeda chikito den area di Catiri, a caba cu un sospechoso deteni. Segun por a compronde lo ta trata di un conoci di polis, di fam V, cu tabata terorisa e vecindario. Un habitante di e area a tuma nota di movecion straño cu e persona aki tabata haci y a bati alarma.
Esaki a tuma luga den ora di mainta, band’i Catiri, caminda a mir’e ta corta cable. A duna descripcion y mesora patruya a activa. Dilanti adres Catiri 5a a logra localisa e sospechoso aki y a deten’e.
E vehiculo cu e tabata cu ne tambe nan a confisca como cu a bin topa diferente cable mas corta eyden y algun otro artefacto, cu muy probablemente ta procedente di ladronicia.
