Diasabra marduga alrededor di 4:30 am a sosode un accidente den Tanki Flip. Poco pariba di Tanki Flip 44. Aki ta caminda cu chauffeur di un auto marca Mitsubishi numera A-63614 pa un motibo of otro a perde timon di e vehiculo pa djey ranca un meter di awa y drenta un cura di cas.
Ora a yega na sitio, a topa cu e chauffeur drumi tras di stuur. Ta suficiente motibo pa polis haci un test di alcohol cu e chauffeur. Na prome instante e chauffeur tabata cooperativo pero tur cos a cambia ora el a mira camara na sitio.
El a supla dos biaha malo djey a nenga di supla. Mirando cu e mes a admiti di a dal betro, specificamente “Old Fashion”, polis a deten’e, sospecha di ta stuur auto bou influencia di alcohol, cu ta contra ley.
Den un transporte policial a hib’e ward’i polis caminda a ked’i present’e dilanti un subfiscal cu ta dicidi sea riba su encarcelacion of su libertad. Na warda lo pone supla na un mashin mucho mas grandi cu resultado mas preciso.
