Durante ora druk di mainta, cu ta baha yiu na scol, a sosode un accident den Playa. Un vehiculo no a midi distancia y a bay dal den un otro.
Esaki a sosode na e crusada di KFC subiendo De La Sallestraat, ora cu un Kia Rio (color shinishi) a yega e crusada, no a calcula bon y subi caminda. Esaki a pone cu e otro auto, Hyundai Accent (blauw) a bay dal den.
![](https://24ora.com/wp-content/uploads/2023/11/20231121_080300-1920x1081.jpg)
Un susto sigur tanto pa e chauffeur pero mas tanto pa e muchanan cu tabata den auto e momento ey, afortunadamente ningun hende a resulta herida. Sin embargo e situacion no a keda te eynan. E chauffeur femenino di e Hyundai blauw a sali furioso y bin tur cu tin riba e otro manehado.
A cuminsa un gritamento y insulto dilanti e yiunan den auto. Cu e ta riba caminda di preferencia y ta pa kico el a kere cu e por djis yega subi caminda dilanti auto.
![](https://24ora.com/wp-content/uploads/2023/11/20231121_080217-1920x1081.jpg)
Personal di Nagico mientrastanto tabata documenta e accidente y dado momento a pidi e persona aki pa su rijbewijs. Ta tur locual cu mester a pidi, pa haci cu el a subi su auto, reverse y bandona e sitio.
A compronde cu e no tin rijbewijs ni tampoco e auto ta di dje. A bay laga e otro partido para eynan.