Diasabra ultimo a tuma luga e Cas Bon Taekwondo Cup. Varios personahe
importante tabata presente pa e prome cualificacion di Best of the Best Truescore Series 2023 Aruba.
Grand Master Marilu de Veer, miembro di directiva di Pan American Union (PATU), tabata presente pa observa e evento den su totalidad. Grand Master Marilu de Veer a hiba palabra durante e ceremonia deseando tur atleta exito pa e prome cualificacion pa Best of The Best Truescore Series 2023 Aruba.
Moises Fernandez, presidente di Aruba Taekwondo Bond (ARTBO), tabata presente pa e evento por a tuma luga. Sin auspicia di ARTBO e evento no ta valido. Fernandez a gradici tur presente pa nan participacion na Cas Bon Taekwondo Cup.
James Song di Truescore California Merca inventor di e sistema electronico tambe tabata presente y a hiba palabra. El a bisa cu su presencia ta hopi importante na Aruba como representante di Truescore. Cas Bon Taekwondo Cup ta e prome evento pa cualifica pa participa den Best of the Best Truescore Series 2023 Aruba. James Song a nomina tres atleta di e evento y esaki tabata poni den un envelop cu lo ta habri dia 24 di juni den e evento di Aracari Taekwondo Cup.
Josh Kalish, referee internacional, tabata scogi pa e team di Truescore pa ta presente na Aruba pa Cas Bon Taekwondo Cup. Truescore kier pa tin mas hopi fair play cu ta posibel. Josh Kalish a tene un technical meeting cu tur e coachnan di Aruba, splicando nan e reglamentonan nobo cu ta aplica na tur evento na nivel Mundial. Josh Kalish a tene un reunion tambe cu nos refereenan local. Josh Kalish a splica tambe tocante di e Video Replay.
Clifford Rasmijn a gradici tur atleta y a bisa cu e Video Replay ta bay ta den tur evento organisa pa Brazil Taekwondo Stichting. Clifford Rasmijn ta hopi satisfecho di e evento den su totalidad. Clifford Rasmijn a bisa cu esaki ta e comienso di e generacion nobo y tin hopi mas na caminda. Clifford Rasmijn tin wowo ariba tres atleta pa e TK5 Surnam 2024. Clifford Rasmijn lo acerca e dos coachnan di otro scol pa cuminsa prepara e team pa representa Aruba na Surnam na 2024.
