E dianan aki tin un pyroman activo na San Nicolas. Diadomingo mes bomberonan mester a activa cu urgencia den Grote Bergweg. A cende candela y e yerba cu mata seco a causa cu e candela a coy forsa.
Tabatin algun auto para banda di otro y aunke ta parce cu e autonan no ta activo riba caya, toch nan ta mustra den bon condicion. Algun di e autonan a sufri daño di e candela.
![](https://24ora.com/wp-content/uploads/2024/07/WhatsApp-Image-2024-07-01-at-21.39.25_f9932345.jpg)
Bomberonan cu basta awa di nan truck grandi a logra controla e situacion. Polis tambe a bay na e sitio.
Dialuna un biaha mas, a cende candela den un area cerca di e candela di diadomingo. Eynan e candela a hera pega Colegio Nigel Matthew. Tabata e bisiña- y esunnan cu ta encarga cu enseñansa a bay den accion cu hose di awa den man pa purba evita cu e candela lo a causa daño na e scol.
Cu e candela diadomingo y dialuna asina ta confirma cu e pyroman ta sigui cu su plan of su agenda.
![](https://24ora.com/wp-content/uploads/2024/07/WhatsApp-Image-2024-07-01-at-21.39.25_acdd6de1.jpg)
![](https://24ora.com/wp-content/uploads/2024/07/WhatsApp-Image-2024-07-01-at-21.39.25_f9932345.jpg)
![](https://24ora.com/wp-content/uploads/2024/07/WhatsApp-Image-2024-07-01-at-21.39.27_9413bc07.jpg)
![](https://24ora.com/wp-content/uploads/2024/07/WhatsApp-Image-2024-07-01-at-21.39.28_09d22693.jpg)
![](https://24ora.com/wp-content/uploads/2024/07/WhatsApp-Image-2024-07-01-at-21.39.26_d1c59393.jpg)
![](https://24ora.com/wp-content/uploads/2024/07/WhatsApp-Image-2024-07-01-at-21.39.27_ff5c516f.jpg)