Diasabra ultimo tabatin e celebracion di graduacion na Universidad di Aruba. E facultad di Hospitalidad y Turismo a duna diesdos graduado nan diploma.
Diesdos studiante a logra defende nan tesis cu exito, ta trata di lidernan den nos comunidad, ta personanan cu ta buscando mas conocemento riba e materia di liderazgo. Tur e studiantenan ta traha caba, pues e combinacion di trabou y bin scol, sa ta pisa, dr. Rosabel Illes, profesor na Universidad di Aruba a comenta.
Seis studiante a logra nan bachelor y seis master a celebra nan graduacion. Otro luna lo ta preparando mas studiante, pues por spera cu prome cu fin di aña, lo tin un otro ceremonia atrobe.
A defende tesis di diferente tema, mayoria ta defende tesis cu tin di haber cu nan ramo di trabou. Pensa aki riba salud publico, turismo y gobierno. E ta bay tocante un problema y con nan tin pensa di presenta un solucion pa cu nan investigacion di nan resultado.