For di madre patria Hulanda nos a ricibi e grato noticia cu e hoben portero Jahmani Eisden a firma cu FC Den Bosch p’e temporada 2024/2025. Cu su 18 aña, Eisden ya a wordo convoca pa defende porteria di e seleccion nacional di Aruba.
Den e temporada anterior el a hunga den e categoria sub-21 di Ijsselmeervogels y tambe a debuta cu e prome ekipo, convirtiendo den e portero mas hoben pa haci esaki. P’e proximo temporada Eisden lo forma parti di un club profesional despues di a ricibi dos oferta, unda cu e mester a dicidi cua pa acepta.
![](https://24ora.com/wp-content/uploads/2024/06/448827890_3655611298085672_7700375897810687350_nrf.jpg)
Na Aruba, Eisden a milita den varios club, incluyendo Brazil Jrs., La Fama, Santa Fe y mas recientemente Dakota, unda cu el a consagra como campeon di Aruba. Fuera di esey, el a forma parti di diferente categoria hubenil di e seleccion di Aruba, incluyendo sub-20 cu a participa na Guatemala, siendo capitan den tur di nan. E experiencia aki ta demostra su madurez y capacidad di liderazgo.
Eisden ta destaca pa su comprension di wega, su reflehonan, reaccion rapido y habilidad cu e bala de su pianan. Tambe e ta conoci pa su capacidad pa dirigi su ekipo y mantene e defensa organisa.
Jahmani Eisden ta yiu homber di e conocido cantante Janiro “Atanio” Eisden y su firma cu FC Den Bosch ta marca un importante paso den su prometedor carera deportivo.
![](https://24ora.com/wp-content/uploads/2024/06/448753893_3655611274752341_6591222116540775945_n-960x1440.jpg)
![](https://24ora.com/wp-content/uploads/2024/06/448702141_3655611351419000_8280839642007954443_n-960x1440.jpg)
![](https://24ora.com/wp-content/uploads/2024/06/448880400_3655611338085668_6810447107765456989_n-960x1440.jpg)
![](https://24ora.com/wp-content/uploads/2024/06/448827890_3655611298085672_7700375897810687350_n-960x1440.jpg)