Diasabra marduga, pa mas of menos 1:40 am, a tuma luga un accidente riba e caminda di Piedra Plat. Den e accidente tabatin involucra un Kia picanto y un Lexus cu a dal den otro, causando daño na nan spiel na banda. Investigacion preliminar a revela cu ambos chaufeur tabata bao di influencia di alcohol.
Polis a yega ‘e luga di e accidente rapidamente y despues di a realisa algun test cu e alcmeter, a confirma cu ambos chauffeur a supera e limite legal di alcohol den nan sanger. A aresta e chauffeurnan di biaha y a hiba nan ward’i polis, unda cu nan mester a presenta dilanti fiscal auxiliar pa duna cuenta di nan comportacion iresponsabel riba caminda.
![](https://24ora.com/wp-content/uploads/2024/06/CK9A5449-1920x1280.jpg)
E accidente no solamente a causa daño material, sino cu tambe a pone den evidencia e peliger di core auto bao influencia di alcohol. Aki autoridad ta reitera nan yamada na responsabilidad y pa evita consumo di alcohol tra’i stuur pa preveni e tipo di incidente asina y garantisa siguridad riba caminda.
![](https://24ora.com/wp-content/uploads/2024/06/CK9A5448-1920x1280.jpg)
![](https://24ora.com/wp-content/uploads/2024/06/CK9A5449-1920x1280.jpg)
![](https://24ora.com/wp-content/uploads/2024/06/CK9A5457-1920x1280.jpg)
![](https://24ora.com/wp-content/uploads/2024/06/CK9A5461-1920x1280.jpg)
![](https://24ora.com/wp-content/uploads/2024/06/CK9A5465-1920x1280.jpg)
![](https://24ora.com/wp-content/uploads/2024/06/CK9A5466-1920x1280.jpg)
![](https://24ora.com/wp-content/uploads/2024/06/CK9A5467-1920x1280.jpg)