E seleccion di baseball U-16 a biaha pa Puerto Rico. Aki nan ta bay representa Aruba den e campeonato di Serie del Caribe.
Revelino Maduro, manager di seleccion U-16, a splica cu nan a sali pa Puerto Rico, unda ta participa den e campeonato di Serie del Caribe. E campeonato aki ta dura un siman, desde 22 te cu 29 di juni.
Nan a topa cu algun contratiempo den e parti di preparacion. Segun Maduro, tabata dificil pa nan haya veld. Tambe tabatin otro campeonato y e teamnan tabata haci uzo di nan veld. Pero nan a logra train loke nan tabata kier a prepara p’e campeonato aki.
![](https://24ora.com/wp-content/uploads/2024/06/IT5A6980-1920x1280.jpg)
E hungadonan ta bon prepara mentalmente como fisicamente. E pitchernan a tene nan ultimo massage.
Un total di seis team ta participa den Serie del Caribe. E teamnan participante ta dos di Puerto Rico, Corsou, Virgin Island, Santo Domingo y Aruba.
![](https://24ora.com/wp-content/uploads/2024/06/IT5A6971-1920x1280.jpg)
![](https://24ora.com/wp-content/uploads/2024/06/IT5A6975-1920x1280.jpg)
![](https://24ora.com/wp-content/uploads/2024/06/IT5A6969-1920x1280.jpg)
![](https://24ora.com/wp-content/uploads/2024/06/IT5A6967-1920x1280.jpg)
![](https://24ora.com/wp-content/uploads/2024/06/IT5A6966-1920x1280.jpg)